নিয়মীয়া বাৰ্তা ২৩ ছেপ্টেম্বৰঃ দিল্লী আৰক্ষীৰ বিশেষ শাখাই দিল্লীৰ সাম্প্রদায়িক সংঘর্ষক লৈ দাখিল কৰা অভিযোগনামাত অন্তর্ভুক্ত কৰা ৫ অভিযুক্তই সংঘর্ষৰ উচটনি দিয়াৰ বাবে ১.৬১ কোটি টকা লাভ কৰিছিল৷ অভিযোগনামাত অন্তর্ভুক্ত কৰাত আপৰ পৰা নিলম্বিত কাউঞ্চিলৰ তাহিৰ হুছেইন, ইছৰাদ হুছাইন, শিক্ষার্থী মিৰান হাইদৰ, খালিদ ছাইফি আৰু ছিফাউৰ ৰহমানে নগদ আৰু বেংকৰ জৰিয়তে ১.৬১ কোটি টকা লাভ কৰিছিল৷ ইয়াৰে ১.৪৮ কোটি টকা দিল্লীত প্রতিবাদৰ আয়োজন আৰু সাম্প্রদায়িক সংঘর্ষত উচটনি যোগোৱাৰ বাবে ব্যয় কৰিছিল বুলি অভিযোগনামাত গুৰুতৰ অভিযোগ উত্থাপন কৰিছে আৰক্ষীয়ে।