নিয়মীয়া বার্তা, ১২ ছেপ্টেম্বৰঃ সম্প্রতি এদিনীয়া শৃংখলাত ব্যস্ত থকা ইংলেণ্ড আৰু অষ্ট্রেলিয়াৰ খেলুৱৈসকলক আগন্তুক আই পি এলত কলকাতা নাইট ৰাইডার্ছৰ প্রথমখন মেচত দেখিবলৈ পোৱা যাব৷ দলটোৰ এক শীর্ষ সূত্রই আজি জানিবলৈ দিয়া অনুসৰি ১৬ ছেপ্টেম্বৰত এদিনীয়া শৃংখলা সমাপ্ত হোৱাৰ এদিন পিছতে ইংলেণ্ড আৰু অষ্ট্রেলিয়াৰ খেলুৱৈসকল ইউ এ ইত উপস্থিত হ’ব৷ ইয়াৰ পিছত ছয় দিনৰ কোৱাৰেণ্টাইন সমাপ্ত কৰি তেওঁলোকে ২৩ ছেপ্ঢেম্বৰত অনুষ্ঠিত হ’বলগীয়া কলকাতা নাইট ৰাইডার্ছৰ প্রথমখন মেচত খেলিব পাৰিব৷ ‘আমাৰ দলত থকা অষ্ট্রেলিয়া আৰু ইংলেণ্ডৰ খেলুৱৈসকল ১৭ ছেপ্টেম্বৰত সম্প্রতি এদিনীয়া শৃংখলাত ব্যস্ত থকা ইংলেণ্ড আৰু অষ্ট্রেলিয়া আবুধাবিত উপস্থিত হ’ব৷ আমাৰ প্রথম মেচ আছে ২৩ ছেপ্ঢেম্বৰত৷ তেতিয়ালৈকে তেওঁলোকৰ ছয় দিনৰ কোৱাৰেণ্টাইন সম্পূর্ণ হ’ব৷ গতিকে তেওঁলোকক আমি প্রথমখন মেচত দেখিবলৈ পোৱাৰ পূর্ণ সম্ভাৱনা আছে৷ তেওঁলোক যিহেতু আন্তঃৰাষ্ট্রীয় ক্রিকেটৰ এক জৈৱ সুৰক্ষিত আৱেষ্টনীৰ মাজৰ পৰা আহিব, গতিকে তেওঁলোকৰ ক্ষেত্রত ক’ভিড–১৯ প্রট’কল কিছু শিথিল হ’ব৷’ কলকাতা নাইট ৰাইডার্ছৰ শীর্ষ সূত্রটোৱে এইদৰে কয়।