নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

আইপিএলত ৰাজস্থান ৰয়েলছৰ মেণ্টৰৰ দায়িত্বত শ্বেন ৱান

নিয়মীয়া বাৰ্তা,  ১৪ ছেপ্টেম্বৰঃ অষ্ট্রেলিয়াৰ একালৰ কিংবদন্তি লেগস্পিনাৰ শ্বেন ৱার্নক এইবাৰৰ আই পি এলত নতুন ভূমিকাত দেখিবলৈ পোৱা যাব৷ সম্প্রতি ৰাজস্থান ৰয়েলছৰ ব্রেণ্ড এম্বেছাডৰৰ দায়িত্বত থকা ৱার্নক দলটোৱে  মেণ্টৰ হিচাপে নিযুক্তি দিছে৷

অহা ১৯ ছেপ্ঢেম্বৰৰ পৰা ইউ এ ইত আৰম্ভ হ’বলগীয়া আই পি এলত অষ্ট্রেলিয়াৰ প্রাক্তন ক্রিকেটাৰগৰাকীয়ে ৰাজস্থান ৰয়েলছৰ মুখ্য প্রশিক্ষক এণ্ড্রিউ মেকড’নাল্ডক মেণ্টৰ হিচাপে সহায় কৰিব৷  ৫১ বছৰত ভৰি দিয়া শ্বেন ৱার্নৰ জন্মদিনৰ দিনাই ৰাজস্থান ৰয়েলছে এই কথা ঘোষণা কৰে৷

ইফালে, অষ্ট্রেলিয়াৰ একালৰ কিংবদন্তি লেগস্পিনাৰগৰাকীক মেণ্টৰৰ ৰূপত লাভ কৰি উৎফুল্লিত ৰাজস্থান ৰয়েলছৰ মুখ্য কার্যবাহী বিষয়া জেক লাছ মেকক্লামে কয় যে– শ্বেন ৱার্নৰ নিযুক্তিয়ে ৰাজস্থান ৰয়েলছক গৌৰৱান্বিত কৰিছে৷ তেওঁৰ দৰে এগৰাকী মহান ক্রিকেটাৰৰ তত্ত্বাৱধানত দলটোৱে এইবাৰৰ আই পি এলত খিতাপ জয়ৰ লক্ষ্যৰে খেলপথাৰত নামিব৷

মন কৰিবলগীয়া যে আই পি এলৰ আৰম্ভণি বর্ষৰ চেম্পিয়ন ৰাজস্থান ৰয়েলছৰ অন্যতম গুৰুত্বপূর্ণ খেলুৱৈ হিচাপে আছে অসমৰ উদীয়মান তাৰকা ৰিয়ান পৰাগ৷

You might also like