নিয়মীয়া বাৰ্তা, ৬ এপ্ৰিলঃ ক’ৰোনা ভাইৰাছৰ পৰিস্থিতিৰ বুজ ল’বলৈ সোমবাৰে নগাঁৱত উপস্থিত হ’ল মুখ্যমন্ত্ৰী সৰ্বানন্দ সোণোৱাল । নগাঁৱত উপস্থিত হৈ ভোগেশ্বৰী ফুকননী অসামৰিক চিকিৎসালয় পৰিদৰ্শন কৰে মুখ্যমন্ত্ৰীগৰাকীয়ে ।
ইপিনে নগাঁৱৰ ভোগেশ্বৰী ফুকননী অসামৰিক চিকিৎসালয়ৰ সকলো চিকিৎসক আৰু স্বাস্থ্যসেৱাৰ সৈতে জড়িত কৰ্মীসকলৰ সৈতে বাৰ্তালাপো কৰে মুখ্যমন্ত্ৰী সৰ্বানন্দ সোণোৱালে ।
আনহাতে ইয়াৰ পাছতে হোজাইত উপস্থিত হৈ মুখ্যমন্ত্ৰীগৰাকীয়ে হোজাইৰ উচ্চপদস্থ জিলা বিষয়াবৰ্গৰ সৈতে ক’ভিড-১৯ সম্পৰ্কীয় প্ৰস্তুতিৰ পৰ্যালোচনা কৰে। লগতে জিলাখনত অত্যাৱশ্যকীয় সামগ্ৰীৰ পৰ্যাপ্ত যোগান আৰু জৰুৰীকালীন সেৱা সুচাৰুৰূপে অব্যাহত ৰাখিবলৈ বিষয়াসকলক নিৰ্দেশ দিয়ে।
উল্লেখ্য যে মুখ্যমন্ত্ৰীগৰাকীয়ে হোজাইত ক’ভিড-১৯ ৰ বিৰুদ্ধে যুঁজি থকা স্বাস্থ্যকৰ্মীসকলৰ সৈতেও আজি মত বিনিময় কৰে।
Reviewed #COVID2019 preparedness with senior district officials in Hojai.
We have left no stone unturned in providing the best service to the people. Directed officials to ensure streamlined delivery of essential services while maintaining social distancing & #Lockdown21 norms. pic.twitter.com/CAIgOxPLuf
— Sarbananda Sonowal (@sarbanandsonwal) April 6, 2020